"ზესხო"

ალპური ბანაკი "ზესხო" დაარსდა 1978 წელს ცნობილი ქართველი ალპინისტის ჯოკია გუგავას მიერ, რომელიც ამავე პერიოდში ხელმძღვანელობდა ბანაკ "აილამა"_ს.
   "აილამა"_სგან განსხვავებით ზესხო არ უნდა ყოფილიყო ორიენტირებული მხოლოდ პროფესიონალ ალპინისტებზე, მდიდარი ბუნება და ადგილმდებარეობა განაპირობებდა იმას რომ, ზესხოს ვიზიტორებს შორის იქნებოდნენ არამხოლოდ პროფესიონალი, არამედ მოყვარული ალპინისტები და უბრალო დამსვენებლები.
   ძალიან მალე "ზესხო" გახდა ერთ ერთი ყველაზე მნიშვნელოვანი სამთო-ტურისტული კურორტი ყოფილი სსრკ_ს ფარგლებში და არამხოლოდ. იმის გამო რომ, ტურისტების რაოდენობა ყოველწლიურად იზრდებოდა ბანაკის ზელძღვანელობა იძულებული გახდა საცხოვრებელი კოტეჯების გარდა გამოეყენებინა კარვები, რომლებიც ბანაკის შუაგულში იყო გაშლილი.
   90_იანი წლებიში, გამომდინარე ქვეყანაში არსებული ეკონომიკური და პოლიტიკური სიძნელეებისა ბანაკი იძულებული გახდა მუშაობა დროებით შეეწყვიტა. თუმცა 2003 წლიდან მოყოლებული ბანაკი ყოველწლიურად იღებს აქტიური დასვენების მოყვარულებს.

                                              ესეც ხედი კოტეჯიდან!                                               

2004 წელს ბანაკში ტრენინგს გადიოდა "რუსთავი 2"_ის ჯგუფი

ალპინიზმი

სვანეთში ფუნქციონირებს რამდენიმე ალპინისტური ბანაკი, რომელებიც საშუალებას აძლევენ როგორც პროფესიონალ, ისე მოყვარულ ალპინისტებს რომ, შეიგრძნონ ის სიამოვნება რასაც მთაში აქტიური დასვენება ქვია.
  ძალიან ძნელია უარი თქვა ასეთ სიამოვნებაზე თუკი ეს ერთხელ მაინც გაქვს გამოცდილი. ღამის კარავში გათენება, გზის გაკვლევა ისეთ მიდამოში სადაც ადამიანი შეიძლება საერთოდ არ იყოს ნამყოფი. 3 საათის გაუჩერებლად სიარულის შემდეგ , იმ დონეზე ხარ მისული რომ, სადაცაა ჩაიკეცები, და ამ დროს ალპურ მინდორში წამოწოლა ნებისმიერ სასტუმროს საპრეზიდენტო ნომერში დასვენებას გირჩევნია.
  ამბობენ "თუ მწვერვალზე მიდიხარ და შიმშილის გრძნობა გაწუხებს კარგიაო", ალბათ ეს იმის მანიშნებელია რომ, კარგად ხარ! თანაც მთაში ხომ ყველაფერს საუცხოო გემო აქვს. და ბოლოს მთელი გუნდი ერთად იზიარებთ სიხარულს, როდესაც წვერს მიაღწევ, ხდება მილოცვა. ახლობლებთან ნათესავებთან დარეკვა რომ, შენ ეს შეძელი და ეხლა ღრუბლებს ზემოთ იმყოფები. საოცარი შეგრძნებაა!!

                                                           
                   
             
                             P.s.  ხო მართლა,  ყველაზე მთავარი ალბათ                                                                                            მაინც იმ წერილის ნახვა  და წამოღებაა                                                                                          რომელიც შენამდე                                                                                                                                  ასულმა ალპინისტებმა დატოვეს.

  ძალიან ბევრი ცნობილი ალპინისტი წარმოშობით სწორედ სვანეთიდანაა . ყველასთვის კარგად ცნობილი, მიხეილ ხერგიანი, რომელსაც ხალხმა კლდის ვეფხვი შეარქვა.

              
                "30 წელზე მეტი ხნის განმავლობაში ბევრი კლდეზე მცოცავი მინახავს, სხვადასხვა   ქვეყნის ცნობილ ალპინისტებთან მქონია ურთიერთობა, მაგრამ ხერგიანი ყველას  სჯობდა."

არმადო და როიტი, 
მთამსვლელი, იტალიელი სენატორი

ჯოკია გუგავა: საბჭოთა კავშირის ჩემპიონი ალპინიზმში. სწორედ მისმა გუნდმა გააკეთა პირველად მარშუტი რომელსაც ცენტრალური კავკასიონის ტრავერსი ქვია. სიცოცხლის პერიოდში ჯოკია ხელმძღვანელობდა ორ ალპინისტურ ბანაკს სვანეთში -- "აილამასა" და "ზესხო"_ს. ამ უკანასკნელის დამფუძნებელი თვიონ გახლდათ.

აფი გიგანი, ნუკრი გველებიანი, ალიოშა გაზდელიანი, იდრის ხერგიანი, ეს არის მცირე ჩამონათვალი იმ დიდი სიისა, რომელსაც სვანი ალპინისტები შეადგენენ.

ამ ვიდეოში ნაჩვენებია როგორ "აკეთებენ" მწვერვალ "თეთნულდის" ახალ მარშუტს.

მართმადიდებლობა სვანეთში და სვანეთის ღირსშესანიშნაობები

მოყოლებული IV საუკუნიდან სვანეთი საქართველოში ქრისტიანობის ფორპოსტია. დღეს სვანეთში 15000 მოსახლე ცხოვრობს ხოლო მის ტერიტორიას 300 ეკლესია ამშვენებს რომელთა უმრავლესობა XI-XIII საუკუნეებშია აგებული და ცნობილია როგორც კლასიკური ქრისტიანული ფრესკებით, ასევე განუმეორებელი იკონოგრაფიით

დღესაც კი სვანეთი იზიდავს ბევრ მოგზაურს, როგორც კოშკებისა და ოქროს ვერძის მიწა,მთის მწვერვალები (5150 მ-ის სიმაღლეზე) და მყინვარწვერები იპყრობენ მთასვლელებისა და მოგზაურთა ყურადღებას.

ტურიზმი სვანეთში და სვანური კულტურა

2007 წელს საქართველოს ტურიზმისა და კურორტების დეპარტამენტმა ზემო სვანეთი ადგილობრივი ტურიზმის განვითარების სფეროში პრიორიტეტულ რეგიონად აღიარა. სწორედ ამიტომ, მცირე და საშუალო ბიზნესის მხარდაჭერის და საქართველოს ინფრასტრუქტურის განვითარების ინიციატივის პროექტებმა დაიწყეს ტურისტული ინფრასტრუქტურის რეაბილიტაციის პროგრამების განხორციელება, რომელთა მიზანი გახლდათ ზემო სვანეთის, კერძოდ კი მესტიისა და უშგულის ტურისტებისათვის მიმზიდველ ადგილებად განვითარება.